ନୂଆଦିଲ୍ଲୀ,୦୪/୦୫: ପଶ୍ଚିମବଙ୍ଗ ସମେତ ପାଞ୍ଚଟି ରାଜ୍ୟର ବିଧାନସଭା ନିର୍ବାଚନ ପାଇଁ ଭୋଟ ଗଣତି ଆରମ୍ଭ ହୋଇଛି। ପଶ୍ଚିମବଙ୍ଗର ୨୯୪ ବିଧାନସଭା ଆସନ ମଧ୍ୟରୁ ୨୯୩ରେ ଭୋଟ ଗଣନା କରାଯାଉଛି । ପ୍ରାଥମିକ ଭୋଟ୍ ଗଣତିରେ ପଶ୍ଚିମବଙ୍ଗରେ ବିଜେପି ୧୪୯ ଆସନରେ ଆଗୁଆ ଥିବାବେଳେ ଟିଏମସି ୯୨ ଆସନରେ ଆଗୁଆ ରହିଛି। ସେହିପରି ଅନ୍ୟଦଳ ୪ ଆସନରେ ଆଗୁଆ ରହିଛନ୍ତି। କଂଗ୍ରେସ ସାଂସଦ ଶଶି ଥରୁର କେରଳ ନିର୍ବାଚନର ପ୍ରାରମ୍ଭିକ ଧାରା ଉପରେ ଏକ ଗୁରୁତ୍ୱପୂର୍ଣ୍ଣ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ କେରଳ ଭୋଟରମାନେ ବୁଝିପାରିଛନ୍ତି ଯେ ପରିବର୍ତ୍ତନର ସମୟ ଆସିଛି। ଏପରିକି ଅନେକ ପ୍ରମୁଖ ନେତା ମଧ୍ୟ ପ୍ରାରମ୍ଭିକ ଧାରାରୁ ପଛରେ ଅଛନ୍ତି। ଏହା ଏକ ବଡ଼ ସଙ୍କେତ। ବର୍ତ୍ତମାନ ପାଇଁ ଏହା ଏକ ଭଲ ଆରମ୍ଭ। ସରକାର ପରିବର୍ତ୍ତନ ହେବାକୁ ଯାଉଛି। କେରଳର ବିକାଶ ପାଇଁ କାମ କରାଯିବ।