ନୂଆଦିଲ୍ଲୀ,୧୧/୦୪: ଆଜି ଭୋର୍ ୫ଟା ୧୩ ମିନିଟ୍ ୧୭ ସେକେଣ୍ଡରେ ଉତ୍ତରାଖଣ୍ଡର ରୁଦ୍ରପ୍ରୟାଗ ଜିଲ୍ଲାରେ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୫.୦୨ ରେକର୍ଡ କରାଯାଇଛି। ଭୂମିକମ୍ପ ଯୋଗୁଁ ଅଞ୍ଚଳରେ ଆତଙ୍କ ଖେଳିଯାଇଥିଲା। ଘରେ ଶୋଇଥିବା ଲୋକେ ଭୟରେ ବାହାରକୁ ବାହାରି ଆସିଥିଲେ। ଭୂମିକମ୍ପର କେନ୍ଦ୍ରସ୍ଥଳ ରୁଦ୍ରପ୍ରୟାଗରୁ ପ୍ରାୟ ୧୦ କିଲୋମିଟର ପୂର୍ବରେ ଅବସ୍ଥିତ ଥିଲା ଏବଂ ଭୂଗର୍ଭର ପ୍ରାୟ ୧୫ କିଲୋମିଟର ତଳେ ଥିଲା ବୋଲି ରେକର୍ଡ କରାଯାଇଛି। ଭୂମିକମ୍ପ ପ୍ରାୟ ୧୦ ରୁ ୧୫ ସେକେଣ୍ଡ ପର୍ଯ୍ୟନ୍ତ ଜାରି ରହିଥିଲା। କୌଣସି ବଡ଼ କ୍ଷୟକ୍ଷତି କିମ୍ବା ଧନଜୀବନ ହାନୀର ରିପୋର୍ଟ ହୋଇନାହିଁ। ତେବେ ପ୍ରଶାସନ ସଜାଗ ରହିଛି।