ଭୁବନେଶ୍ୱର,୦୬/୦୬: କମିଲା ରେପୋ ରେଟ୍ । ରେପୋ ହାର ୫୦ ବେସିସ୍ ପଏଣ୍ଟ ହ୍ରାସ କରିଛି ଆରବିଆଇ । ପୂର୍ବରୁ ୬% ରହିଥିବାବେଳେ ତାହା ହ୍ରାସ ପାଇ ଏବେ ୫.୫ ପ୍ରତିଶତରେ ପହଞ୍ଚିଛି । ଭାରତୀୟ ରିଜର୍ଭ ବ୍ୟାଙ୍କ୍ ଗଭର୍ଣ୍ଣର ସଞ୍ଜୟ ମାଲହୋତ୍ରାଙ୍କ ନେତୃତ୍ୱରେ କେନ୍ଦ୍ରୀୟ ବ୍ୟାଙ୍କର ମୁଦ୍ରା ନୀତି କମିଟି ଜୁନ୍ ୪ରେ ଆରମ୍ଭ ହୋଇଥିବା ଏହାର ତିନି ଦିନିଆ ବୈଠକ ସମାପ୍ତ କରିବା ପରେ ଏହି ନିଷ୍ପତ୍ତି ଘୋଷଣା କରାଯାଇଛି । ୫୦ ବେସିସ୍ ପଏଣ୍ଟ ହ୍ରାସ କରି ୫.୫%ରେ ପହଞ୍ଚିଛି ରେପୋ ହାର । ଗତ ଏପ୍ରିଲ ମାସରେ ୨୫ ବେସିସ୍ ପଏଣ୍ଟ ହ୍ରାସ ହୋଇଥିବା ବେଳେ ଲଗାତାର ତୃତୀୟ ଥର ପାଇଁ ହାର ହ୍ରାସ ପାଇଛି । ଫେବୃଆରି ୨୦୨୫ ଠାରୁ ପଲିସି ରେପୋ ହାରକୁ ଦ୍ରୁତ କ୍ରମରେ ୧୦୦ ବେସିସ୍ ପଏଣ୍ଟ ହ୍ରାସ କରିବା ପରେ, ମୁଦ୍ରା ନୀତି କମିଟି ଅନୁଭବ କରିଛି ଯେ ବର୍ତ୍ତମାନ ପରିସ୍ଥିତିରେ ମୁଦ୍ରା ନୀତିରେ ଅଭିବୃଦ୍ଧିକୁ ସମର୍ଥନ କରିବା ପାଇଁ ବହୁତ ସୀମିତ ସ୍ଥାନ ରହିଛି ବୋଲି ଗଭର୍ଣ୍ଣର କହିଛନ୍ତି ।