ଭୁବନେଶ୍ୱର: ନେପାଳର ରାସୁୱା ଜିଲ୍ଲାର ଭୋଟେକୋଶି ନଦୀରେ ଏକ ବଡ଼ ଜଳପ୍ରଳୟ ଘଟି ବିପର୍ୟ୍ୟୟ ସୃଷ୍ଟି କରିଥିଲା। ଏହି ଦୁଃଖଦ ଘଟଣାରେ ଶହ ଶହ ଲୋକ ପ୍ରାଣ ହରାଇଛନ୍ତି। ହଜାର ହଜାର ଲୋକ ନିଖୋଜ ଅଛନ୍ତି। ପ୍ରାରମ୍ଭରେ, ନେପାଳ-ଚୀନ୍ ସୀମା ନିକଟରେ ରେକର୍ଡ ହୋଇଥିବା ୪.୪ ତୀବ୍ରତାଯୁକ୍ତ ଭୂମିକମ୍ପ ଏହାର କାରଣ ବୋଲି ବିବେଚନା କରାଯାଉଥିଲା। ତେବେ ଏହି ଫ୍ଲାସ୍ ବନ୍ୟା ସମ୍ପର୍କରେ ଆମେରିକୀୟ ଭୂତତ୍ତ୍ୱ ସର୍ବେକ୍ଷଣ (ୟୁଏସଜିଏସ) ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଛି। ନେପାଳ-ଚୀନ୍ ସୀମା ନିକଟରେ ରେକର୍ଡ ହୋଇଥିବା ଏହି ଘଟଣା ପ୍ରକୃତରେ ଭୂମିକମ୍ପ ନୁହେଁ ବୋଲି ୟୁଏସଜିଏସ ସ୍ପଷ୍ଟ କରିଛି। ବୈଜ୍ଞାନିକ ବିଶ୍ଳେଷଣ ଅନୁସାରେ, ହିମବାହ ଭାଙ୍ଗିବା ଯୋଗୁଁ ଘଟିଛି। ନଦୀରେ ଏକ ବିରାଟ ବରଫ ଏବଂ ପଥର ଖଣ୍ଡ ପଡ଼ିଥିଲା। ଯାହା ଦ୍ବାରା ପାଣି ଉଛଳିବା ଯୋଗୁଁ ହଠାତ୍ ବନ୍ୟା ଆସି ବ୍ୟାପକ କ୍ଷୟକ୍ଷତି ଘଟାଇଥିଲା।