ଭୁବନେଶ୍ୱର,୨୦/୦୭: ଆଜି ଏକ ପ୍ରେସ୍ ବିଜ୍ଞପ୍ତିରେ ଅନ୍ତର୍ଜାତୀୟ କ୍ରିକେଟ୍ ପରିଷଦ ନିଶ୍ଚିତ କରିଛି ଯେ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ଏବେ ୨୦୩୧ ପର୍ଯ୍ୟନ୍ତ ଇଂଲଣ୍ଡରେ ଅନୁଷ୍ଠିତ ହେବ । ଏହି ମର୍ଯ୍ୟାଦାଜନକ ଇଭେଣ୍ଟ ଆରମ୍ଭରୁ ଇଂଲଣ୍ଡ ଏବଂ ୱେଲ୍ସ କ୍ରିକେଟ୍ ବୋର୍ଡ ଦ୍ୱାରା ଆୟୋଜିତ ହୋଇଆସୁଛି, ଏବଂ ବର୍ତ୍ତମାନ ପରବର୍ତ୍ତୀ ତିନୋଟି ସଂସ୍କରଣ – ୨୦୨୭, ୨୦୨୯ ଏବଂ ୨୦୩୧ ପାଇଁ ଜାରି ରହିବ ।ଆଇସିସି କହିଛି ଯେ ଇସିବିର ଗତ ତିନୋଟି ସଂସ୍କରଣର ସଫଳ ଆୟୋଜନ ଏବଂ ଇଂଲଣ୍ଡର ଗ୍ରୀଷ୍ମ ଋତୁର ପ୍ରାରମ୍ଭରେ ଇଭେଣ୍ଟ ଆୟୋଜନର ଲଜିଷ୍ଟିକ୍ ସୁବିଧାକୁ ଧ୍ୟାନରେ ରଖି ଏହି ନିଷ୍ପତ୍ତି ନିଆଯାଇଛି ।