ନୂଆଦିଲ୍ଲୀ,୧୪/୦୫: ସୁପ୍ରିମକୋର୍ଟର ୫୨ତମ ପ୍ରଧାନ ବିଚାରପତି ଭାବେ ଶପଥ ନେଲେ ଜଷ୍ଟିସ୍ ବିଆର ଗବାଇ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ଶପଥ ପାଠ କରାଇଛନ୍ତି । ଜଷ୍ଟିସ୍ ବି.ଆର୍. ଗବାଇ ୧୬ ମାର୍ଚ୍ଚ ୧୯୮୫ରେ ବାରରେ ଯୋଗ ଦେଇଥିଲେ। ଦେଶର ସର୍ବୋଚ୍ଚ ନ୍ୟାୟିକ ପଦବୀକୁ ଆରୋହଣ କରିବାରେ ପ୍ରଥମ ବୌଦ୍ଧ ଏବଂ ଅନୁସୂଚିତ ଜାତିରୁ ଏକମାତ୍ର ଦ୍ୱିତୀୟ ବିଚାରପତି ହୋଇଛନ୍ତି । ତାଙ୍କର ପଦୋନ୍ନତି ଐତିହାସିକ ଏବଂ ପ୍ରତୀକାତ୍ମକ, ନ୍ୟାୟପାଳିକା ଦ୍ୱାରା ବଜାୟ ରହିଥିବା ଅନ୍ତର୍ଭୁକ୍ତି ଏବଂ ସାମ୍ବିଧାନିକ ନୈତିକତାର ମୂଲ୍ୟବୋଧକୁ ପ୍ରତିନିଧିତ୍ୱ କରୁଛି। ଅନେକ ଗୁରୁତ୍ୱପୂର୍ଣ୍ଣ ଖଣ୍ଡପୀଠର ଅଂଶ ହେବା ସହିତ ସେ ବହୁ ଗୁରୁତ୍ବପୂର୍ଣ୍ଣ ରାୟ ଶୁଣାଇଛନ୍ତି । ନଭେମ୍ବର ୨୩ ତାରିଖ ଯାଏ ସୁପ୍ରିମକୋର୍ଟର ପ୍ରଧାନ ବିଚାରପତି ଭାବେ କାର୍ଯ୍ୟ କରିବେ ଜଷ୍ଟିସ୍ ବିଆର ଗବାଇ ।