ଭୁବନେଶ୍ୱର,୦୪/୦୯: ଚାଷୀଙ୍କୁ ମିଳିଲା ସିଏମ୍ କିଷାନ୍ ଟଙ୍କା । ଭୁବନେଶ୍ବର ଓୟୁଏଟି ମଞ୍ଚରୁ ପଞ୍ଚମ କିସ୍ତି ଦେଲେ ମୁଖ୍ୟମନ୍ତ୍ରୀ ମୋହନ ମାଝୀ । ରାଜ୍ୟର ୪୧ ଲକ୍ଷରୁ ଅଧିକ ଚାଷୀ ପରିବାର ଉପକୃତ , ବ୍ୟାଙ୍କ ଖାତାକୁ ଗଲା ୮୩୩ କୋଟିରୁ ଅଧିକ ଟଙ୍କା । CM-KISAN ଯୋଜନାର ପଞ୍ଚମ କିସ୍ତି ବାବଦରେ ୪୧ ଲକ୍ଷରୁ ଅଧିକ ଚାଷୀ ପରିବାରଙ୍କ ବ୍ୟାଙ୍କ ଖାତାକୁ ୮୩୩ କୋଟି ଟଙ୍କାରୁ ଅଧିକ ଅର୍ଥ ପଠାଗଲା। ଏହି ସହାୟତା ଚାଷୀ ପରିବାରଙ୍କ କୃଷିକାର୍ଯ୍ୟ ଓ ଆନୁଷଙ୍ଗିକ ଖର୍ଚ୍ଚ ପୂରଣରେ ସହାୟକ ହେବ। ଚାଷୀଙ୍କ ପାଇଁ କୃଷି କାର୍ଯ୍ୟରେ ଆର୍ଥିକ ସହାୟତାର ବିଶେଷ ଗୁରୁତ୍ୱ ରହିଛି । ବିହନ, ସାର, କୀଟନାଶକ ଓ ଅନ୍ୟାନ୍ୟ କୃଷି ସାମଗ୍ରୀ କିଣିବା ସହ ଚାଷ କାର୍ଯ୍ୟରେ ବିଭିନ୍ନ ଖର୍ଚ୍ଚ ହୋଇଥାଏ । ଏଭଳି ସମୟରେ ମିଳୁଥିବା ସହାୟତା ଚାଷୀଙ୍କୁ ଆର୍ଥିକ ଭାବେ ସହଯୋଗ କରିବ ବୋଲି ଆଶା କରାଯାଉଛି । ଭୂମିହୀନ କୃଷକ ପରିବାର ଏବଂ ପିଭିଟିଜି ସମୁଦାୟକୁ ମଧ୍ୟ ଯୋଜନାରେ ସାମିଲ କରାଯାଇଥିବାରୁ ଏହାର ପରିସର ଆହୁରି ବ୍ୟାପକ ହୋଇଛି । କୃଷି ସହ ଜଡ଼ିତ ପରିବାରଗୁଡ଼ିକୁ ଆର୍ଥିକ ସମର୍ଥନ ଦେବା ଦ୍ୱାରା ସେମାନଙ୍କ ଜୀବିକାକୁ ସୁଦୃଢ଼ କରିବାର ସୁଯୋଗ ମିଳିବ । ଏହା କୃଷକ ସଶକ୍ତିକରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।